ترجمان مسلم لیگ ن مریم اورنگزیب نے کہا کہ جھوٹ  کے عادی وزیراعظم عمران خان نے شہباز  شریف پر الزامات عائد کئے ۔ ہرجانے کا دعوی دائرکیا توعدالت کے سامنا نہیں کررہے۔ عمران خان نے نہیں بتایا کہ شہبازشریف کو پانامہ پربات نہ کرنے کی کب کس کے ذریعے آفرکی گئی۔

اسلام آباد میں پریس کانفرنس کرتے ہوئے ترجمان مسلم لیگ ن مریم اورنگزیب  نے کہا کہ ملک میں کورونا کی بڑھتی ہوئی صورتحال افسوسناک ہے۔

ان کا کہنا تھا کہ  پنجاب میں دوکانیں بند کرانے کا کہا جارہا ہے لیکن جب ان سے سوال کیا جاتا ہے تو آگے سے کرائے کے ترجمان باتیں شروع کردیتے ہیں۔ عمران نے الزام لگایا کہ شہباز شریف  نے نامعلوم شخص کے ذریعے پیش کش کی ہے کہ پانامہ پر بات کرنا چھوڑ دیں اوردس ارب روپے لے لیں۔ شہباز شریف نے ہرجانے کا دعوی دائر کیا۔آج تک اس کیس میں وہ پیش نہیں ہوئے۔

مریم اورنگزیب کا کہنا تھا کہ  عدالت میں کہا گیا کہ بابراعوان اس لئے پیش نہیں ہوسکتے کہ ملک میں کورونا ہے۔ مریم اورنگزیب نے کہا کہ ایک طرف حکومتی عہدیدار پیش نہ ہونے کا عذرپیش کرتے ہیں مگر ہر روز شہبازشریف کو بلانے کی کوشش کرکے خطرے میں ڈالا جاتا ہے۔

مریم اورنگزیب نے کہا کہ آج تک عمران خان نے نہیں بتایا کہ کب کس کے ذریعے انہیں یہ آفرکی گئی، یہ عادی جھوٹے، چینی چور ہیں ۔آپ اتنے جھوٹے ہیں کہ لاہورمیں کورونا کی ریکارڈ بڑھتی تعداد بھی چھپا دیتے ہیں۔

]]> Pakistan https://www.aaj.tv/news/258821 Thu, 04 Jun 2020 14:59:30 +0500 none@none.com (ھمیر رانا)