لاہور: مسلم لیگ(ن)کے صدر اور قومی اسمبلی میں قائد حزب اختلاف شہباز شریف نے 9 جون کو نیب کے سامنے پیش ہونے کا فیصلہ کرلیا۔

ذرائع ن لیگ کے مطابق،نیب میں پیشی کے حوالے سے شہباز شریف نے اپنی قانونی ٹیم سے تفصیلی مشاورت کی،ن لیگی صدر نے امجد پرویز ایڈووکیٹ اور اعظم نذیر تارڑ سے مشاورت کی۔

پارٹی ذرائع کے مطابق،شہباز شریف نے عطاء اللہ تارڑ سے بھی مشاورت کی،مسلم لیگ نون کی جانب سے شہباز شریف کی نیب میں پیشی کے موقع پر کارکنوں کو کال دی گئی ۔

یاد رہے کہ نیب نے شہباز شریف کو آمدن سے زائد اثاثہ جات و مبینہ منی لانڈرنگ کیس میں 9 جون کو طلب کر رکھا ہے ۔

دوسری جانب قومی اسمبلی میں قائد حزب شہبازشریف نےزرعی آمدنی پردیئےگئےٹیکس کاریکارڈ نیب میں جمع کردیا ،شہبازشریف نے10سال میں 8کروڑایک لاکھ ایک ہزار705روپےکمائے۔

دستاویزات کے مطابق،شہبازشریف نےایک کروڑ 10 لاکھ 21 ہزار 89 روپے ٹیکس دیا،2019 میں آمدنی25 لاکھ جس پر 3 لاکھ 33 ہزار 250 روپے  ٹیکس جمع کروایا،2009میں شہباز شریف کی آمدنی30 لاکھ جبکہ ٹیکس  3 لاکھ 93 ہزار جمع کروایا۔

دستاویزات کے مطابق، شہباز شریف نےسب سے زیادہ کمائی2011 میں ایک کروڑ 65 لاکھ 46 ہزار 705 روپے کی، سابق وزیراعلیٰ پنجاب نے 2011 میں 27 لاکھ 82 ہزار 500 جمع کروایا۔

دستاویزات کے مطابق،گزشتہ 6 سال سے شہباز شریف کی آمدنی کم ہوئی اور ٹیکس بھی کم دیا، گزشتہ 3 سال میں شہباز شریف نے 88 لاکھ کمائےجبکہ 12 لاکھ 9 ہزار 250 روپے ٹیکس جمع کرایا۔