لاہور،کراچی:پاکستان میں کورونا وائرس سے متاثرہ افراد کی تعداد میں مزید اضافہ ہوگیا،جس کے بعد کوروناکیسز کی تعداد1لاکھ 08ہزار 317ہوگئی جبکہ2172افراد جاں بحق ہوئے۔

کوروناوائرس کے باعث احتیاط اور ایس او پیز میں غفلت سے صورتحال سنگین ہونے لگی،ایک دن میں جاں بحق اور رجسٹرڈ مریضوں کی تعداد میں اضافہ ہوا ہے۔

نیشنل کمانڈاینڈآپریشن سینٹرنے کوروناوائرس سےمتاثرہ افراد کے تازہ اعدادوشمار جاری کردیئے۔

گزشہ 24گھنٹےکےدوران ملک بھر میں مزید 4ہزار646نئے کیسز رپورٹ ہوئےجس کے بعد پاکستان میں کوروناکےمریضوں کی تعداد1لاکھ 8ہزار317ہوگئی۔

آج کے کیسز کی صورتحال

آج 9جون بروزمنگل کوبھی پاکستان میں کورونا وائرس کے نئے تصدیق شدہ کیسز سامنے آنے کا سلسلہ جاری ہے،ملک میں آج کورونا کے مزید472نئے مریض سامنے آئےجبکہ ایک ہلاکت رپورٹ ہوئی۔

اسلام آباد میں 456 اور آزاد کشمیر میں کورونا کے 16کیسزرپورٹ ہوئےجبکہ کورونا وائرس  نے آزاد کشمیر میں ایک مریض کی جان لے لی۔

نیشنل کمانڈ اینڈ آپریشن سینٹر کے مطابق کورونا وائر س سے پنجاب سب سے زیادہ متاثر ہوا،جہاں کورونا کے مریضوں کی تعداد40ہزار819ہوگئی جبکہ سندھ میں39ہزار555افرادمیں کوروناوائرس کی تصدیق ہوئی۔

اس کے علاوہ خیبرپختونخوامیں14ہزار006،بلوچستان میں6ہزار788،اسلام آباد میں5ہزار785، گلگت بلتستان میں952اورآزاد کشمیر میں کورونا وائرس کے412کیسز سامنے آچکے ہیں۔

نیشنل کمانڈ اینڈ آپریشن سینٹر کا کہنا ہے کہ 24 گھنٹے کے دوران ملک میں کورونا وائرس سے مزید105 مریض جاں بحق ہوئے،جس کے بعد اموات کی تعداد2172ہوگئی۔

کورونا  سے پنجاب میں سب سے زیادہ اموات ریکارڈ ہوئیں،جہاں773افراد زندگی کی بازی ہار گئے۔

اس کے علاوہ سندھ میں 679،خیبرپختونخوا میں 587،بلوچستان میں58،اسلام آباد میں52 اور گلگت بلتستان  میں14 اورآزاد کشمیر میں کورونا کے باعث 9ہلاکتیں رپورٹ ہوئیں۔

نیشنل کمانڈ اینڈ آپریشن  سینٹر کے مطابق ملک بھر کے مختلف اسپتالوں میں کورونا کے 71ہزار127 مریض زیرعلاج ہیں ،جن میں سے بیشتر مریضوں کی حالت تشویشناک بتائی جارہی ہے۔

کورونا وائرس سے ایک روز میں کورونا سے  663افراد صحت یاب ہوئے جس کے بعد پاکستان میں اب تک صحت یاب ہونے والوں کی تعداد 35 ہزار018ہوچکی ہے۔

نیشنل کمانڈ اینڈ آپریشن سینٹر کی جانب سے جاری نئے اعدادوشمار کے مطابق ملک بھر میں گزشتہ 24 گھنٹے کے دوران24ہزار620کورونا ٹیسٹ کئے گئے جن میں سے4ہزار646افراد میں کورونا کی تشخیص ہوئی   جبکہ ملک بھر میں مجموعی طور پر اب تک 7لاکھ30ہزار453افراد کے ٹیسٹ کئے جا چکے ہیں۔

ملک بھر میں 1400وینٹی لیٹرز کورونا مریضوں کیلئے مختص کئے گئے ہیں ،پاکستان میں 322 مریض وینٹی لیٹرپر موجود ہیں ۔