اقتصادی رپورٹ کے مطابق ملک میں ایک سال میں مویشیوں کی تعدادمیں 18 لاکھ کا اضافہ ہوا ہے۔مویشیوں کی مجموعی تعداد تعداد 4 کروڑ 78 لاکھ سے بڑھ کر 4 کروڑ 96 لاکھ ہوگئی ہے۔

اقتصادی سروے رپورٹ 2019-20 کےمطابق پاکستان میں گدھوں کی تعداد میں ایک لاکھ کا اضافہ ہوگیا ہے۔ رپورٹ کے مطابق گدھوں کی تعداد 54 لاکھ سے بڑھ کر 55 لاکھ ہوگئی ہے جبکہ گھوڑوں، اونٹوں اور خچروں کی تعداد میں کوئی اضافہ نہیں ہوا۔ اونٹوں کی تعداد 11 لاکھ ہے جبکہ گھوڑوں کی تعداد 4 لاکھ اور خچروں کی تعداد 2 لاکھ برقرار ہے۔ ایک سال میں بھینسوں کی تعداد میں 12لاکھ کا اضافہ ہوا ہے۔

اقتصادی سروے رپورٹ کےمطابق بھینسوں کی تعداد 4 کروڑ سے بڑھ کر 4 کروڑ 12 لاکھ ہوگئی ہے جبکہ ایک سال میں بھیڑوں کی تعداد میں 3 لاکھ کا اضافہ ہوگیا۔بھیڑوں کی تعداد 3کروڑ 9 لاکھ سے بڑھ کر 3 کروڑ 12 لاکھ ہوگئی۔ ملک میں بکریوں کی تعدادمیں 21لاکھ کااضافہ ہوا ہے اور بکریوں کی تعداد7کروڑ61 لاکھ سےبڑھ کر7کروڑ 82لاکھ ہوگئی ہے۔

ایک سال میں پولٹری کی تعداد میں 12کروڑ 20 لاکھ کا اضافہ ہوا، پولٹری کی تعداد 1 ارب 32 کروڑ 10لاکھ سےبڑھ کر 1 ارب 44 کروڑ 30 لاکھ ہوگئی ہے۔