کراچی:متحدہ قومی موومنٹ کا دعویٰ ہے کہ وہ روزانہ شہر سے تین ہزار ٹن کچرا صاف کررہے ہیں، وسیم اختر کہتے ہیں کہ پانچ روز میں شہر کی صورتحال بہتر کردی ہے، جبکہ فاروق ستار نے کہا ہے کہ کچرا اٹھانا وزیراعلیٰ سندھ کا کام ہے۔

کراچی کو صاف بنانے اور گندگی سے پاک بنانے کے لئے ایم کیوایم کی صفائی مہم جاری ہے،ناظم آباد میں نامزد میئروسیم اختر کی قیادت میں یوسی 44 اور 45 میں صفائی کی گئی،وسیم اختر نے کہا کہ پچھلے آٹھ سالوں سے اس شہر کا کوئی پرسان حال نہیں ہے۔جو شہر کما کردیتا اس کا کچھ خیال کریں، وزیر بلدیات اے سی روم میں بیٹھے ہیں۔

رنچھوڑ لائن میں صفائی مہم کے دوران فاروق ستار نے کہا کہ روزانہ ساڑھے تین ہزار ٹن کچرا اٹھا رہے ہیں،کچرا اٹھانا ہمارا نہیں وزیر اعلیٰ کا کام ہے۔ ایم کیوایم کے رہنماوٴں کا کہنا تھا کہ جلد میئر اور ڈپٹی میئر حلف اٹھائیں گے،اتوارسے صفائی مہم دوبارہ شروع کریں گے۔