کراچی:سندھ میں رینجرزکو اختیارات دینے سے متعلق قرارداد پروزیراعلیٰ ہاوس میں مشاورتی اجلاس ہوا۔ سینئرافسران اورقانونی ماہرین نے قراردادمیں قانونی پیچیدگیوں کی نشاندہی کردی۔

وزیراعلیٰ ہاوس میں رینجرزاختیارات میں توسیع سے متعلق قرارداد کے معاملے پرمشاورتی اجلاس ہوا۔وزیراعلیٰ سندھ قائم علی شاہ کی زیرصدارت اجلاس میں صوبائی حکومت کے سینئرافسران اورقانونی ماہرین نے شرکت کی۔اجلاس میں سینئرافسران کا کہنا تھا کہ سندھ اسمبلی میں پیش کی گئی قرارداد میں غلطیاں ہیں۔

قرارداد ڈرافٹ کرنے والی ٹیم نے قانونی پیچیدگیاں نظرانداز کیں۔ الیون ڈبل ای ڈبل ای میں مداخلت کا اختیارنہیں،الیون ڈبل ای ڈبل ای وفاق کا قانونی حق ہے جس میں صوبائی حکومت مداخلت نہیں کرسکتی۔

افسران کی نشاندہی پرآئینی اورقانونی ماہرین کو بھی وزیراعلیٰ ہاوس طلب کرلیا گیا،تاکہ آئینی اورقانونی پہلووں پرمزید مشاورت کی جاسکے۔