پاک فوج کے شعبہ تعلقات عامہ (آئی ایس پی آر)کے ڈائریکٹر جنرل میجر جنرل بابر افتخار نے بھارتی الیکٹرانک اور سوشل میڈیا میں پاکستان کی طرف سے گلگت بلتستان میں لائن آف کنٹرول پر اضافی ڈپلائیمنٹ کے دعوے کو جھوٹا قرار دے دیا ۔

ڈی جی آئی ایس پی آر نے سماجی رابطے کی ویب سائٹ ٹوئٹر پر اپنے ٹویٹ میں کہا کہ بھارتی میڈیا نے پھر افواہیں پھیلانا شروع کردیں،بھارتی میڈیا میں ایل او سی پر پاک فوج کی اضافی نفری کے دعوے غلط ہیں۔

News circulating in Indian electronic and social media claiming additional deployment of Pakistan Army troops along #LOC in GB and alleged use of Skardu Airbase by #China is false, irresponsible and far from truth. (1/2)

— DG ISPR (@OfficialDGISPR) July 2, 2020

میجر جنرل بابر افتخار نے مزید کہا کہ اسکردو ایئر بیس چین کے استعمال کرنے کی رپورٹس بھی حقائق پر مبنی نہیں، اسی طرح پاک فوج کی جانب سے گلگت بلتستان میں اضافی دستے تعینات کرنے کے دعوے بھی غلط اور بے بنیاد ہیں۔

...No such movement or induction of additional forces has taken place. We also vehemently deny presence of Chinese troops in Pakistan. (2/2)

— DG ISPR (@OfficialDGISPR) July 2, 2020

ڈی جی آئی ایس پی آر نے پاکستان میں چینی فوج کی موجودگی کی سختی سے تردید کرتے ہوئے کہا کہ بھارتی میڈیا کے یہ دعوے جھوٹے، غیر ذمہ دارانہ اور حقیقت کخلا ف ہیں، ایل او سی اور گلگت بلتستان میں کوئی نئی فوجی نقل و حرکت یا اضافی تعیناتی نہیں کی گئی۔