ملک بھرمیں مون سون کا سلسلہ جاری ہے،ملک کے بالائی علاقے ہی نہیں بلکہ میدانی علاقے بھی بارش کے ساتھ جل تھل ہوگئے،کہیں تیزتوکہیں ہلکی بارش کا سلسلہ وقفے وقفے سے جاری ہے۔

اسلام آباد کی سڑکیں بھی کراچی کا منظر پیش کرنے لگیں ، اسلام آباد ایکسپریس وے پرپانی کھڑا ہونے سے شہریوں کو مشکلات کا سامنا ، کئی گاڑیاں بند ہونے سے ٹریفک جام بھی ہوا۔

محکمہ موسمیات نے آئندہ 36 گھنٹوں میں ملک کے بالائی اوروسطی علاقوں میں موسلادھاربارشوں کی پیشگوئی کردی۔

موسلادھاربارش سے شہری علاقوں میں اربن فلڈنگ اورندی نالوں میں طغيانی کا بھی خدشہ ہے ، تمام متعلقہ ادارے الرٹ ہوجائیں ۔

اٹک کے علاے جنڈ میں 12سالہ لڑکا پل کراس کرتے ہوئے نالے میں گرکرجاں بحق ہوگیا ۔

لاہور سمیت پنجاب بھر میں بارش سے موسم خوشگوار ہوگیا

دوسری جانب بادلوں اور بارش نے گرمی اڑن چھوکردی ہے لاہور سمیت پنجاب بھر میں2روز سے وقفےوقفے سے جاری بارش کے سلسلے نے موسم سہانا کردیا ،بارش سے گرمی بھی کم ہوگئی اوربادلوں نے موسم خوشگوار بنارکھا ہے۔

لاہور کے پارکوں میں شہری صبح کی سیر اور خوبصورت موسم کے مزے لے رہے ہیں،نشیبی علاقے ہوں یا پھر باغات دوروز سے جاری بارش کا پانی بھی کھڑا ہے جس کے باعث کچھ مسائل ہوئے مگر شہری گرمی سے جان چھٹنے پر بے حد خوش ہیں۔

ساہیوال، بورے والا، میلیسی اور پتوکی سمیت صوبے کے دیگر شہروں میں بھی آج ہونےوالی بارش سے گرمی کا زور ختم ہوگیا ہے۔

محکمہ موسمیات نے آئندہ 24گھنٹوں کے دوران صوبے بھر میں کہیں ہلکی اور کہیں تیز بارش کا امکان ظاہر کیا ہے۔