پاکستان بھر کے نجی اسکولوں کی نمائندہ تنظیموں نے حتمی فیصلہ سناتےہوئے کہا کہ ملک بھرمیں پرائیویٹ اسکولز 15 اگست سے کھول لئے جائیں گے۔

نیشنل ایجوکیشن کونسل پاکستان کے تعلیمی کنوینشن میں فیصلہ کیا گیاکہ وفاقی دارالحکومت سمیت تمام صوبوں، بشمول آزاد کشمیر، گلگت، بلتستان میں بھی اسکول کھول لئے جائیں گے۔

اجلاس میں سید طارق شاہ کا کہنا تھا کہ حکومت اپنی ناکامی چھپانے کےلئے اسکولز کو کھلونے پر رضامند نہیں ہے، تمام ادارے کھل چکے ہیں اب مزید اسکول بند نہیں کرنے دیں گے، اسکولوں کی کی مسلسل بندش تعلیم کا عظیم سانحہ ہے۔

دوسری جانب اسکولزنہ کھولنے کا حکومتی مؤقف اب بھی برقرار ہے۔