بالی ووڈ اسٹار اکشے کمار نے بھی ماسک کے استعمال کے حوالے سے آگاہی فراہم کیلئے اپنے ٹوئٹر ہینڈل سے ایک ویڈیو شیئر کی جس میں مختلف لوگ اپنی اپنی زبان میں ماسک نہ پہننے کو مغلظات بک رہے ہیں۔

ویڈیو میں اکشے کمار کا کہنا ہے کہ اگر آٌپ نہیں چاہتے کہ آپ کو بھی مختلف زبانوں میں مغلظات بکے جائیں تو خاموشی سے ماسک کا استعمال کریں۔

اکشے کمار نے جیسے ہی یہ ویڈیو شیئر کی تو ان کی اہلیہ ٹوئنکل کھنا رہ نہ سکیں اور انہوں نے اپنے شوہر پر ماسک کی چوری کا الزام لگادیا۔

ٹوئنکل کھنا نے اسے ری ٹویٹ کرتے ہوئے لکھا کہ احتیاطی تدابیر اختیار کرنے کے ساتھ ساتھ اپنا خود کا ماسک لگائیں اور اپنے پارٹنر کا دھلا ہوا، خوبصورت اور فلورل پرنٹ والا ماسک مت چرائیں'۔

واضح رہے کہ اکشے کمار اور ان کی اہلیہ اکثر سوشل میڈیا پر مزاحیہ نوک جھونک کے ذریعے مداحوں کو تفریح کا سامان مہیاء کرتے رہتے ہیں۔