چین کے پاکستان میں متعین ڈیفنس اتاشی میجر جنرل چن ونرانگ نے اپنے وَفد کے ہمراہ آئی ایس پی آر کا دورہ کیا اور تقریب میں شرکت کی۔

ڈائریکٹر جنرل آئی ایس پی آر میجر جنرل بابر افتخار نے وَفد کو خو ش آمدید کہا۔سالگرہ کی تقریب کے آغاز میں دونوں ممالک کے قومی ترانے پیش کیے گئے۔

آرمی چیف نے اپنے پیغام میں کہا کہ پاک فوج اور پی ایل اے مجموعی طور پر مضبوط اور مستحکم تعلقات سے وابستہ اور برادرانہ تعلقات کے حامل ہیں۔

چینی ڈیفنس اتاشی نے تقریب سے خطاب میں کہا چین اور پاکستان کے مابین تعلقات نہایت مستحکم ہیں۔ہر شعبے میں شراکت داری کو قدر کی نگاہ سے دیکھتے ہیں۔

اس موقع پر چینی سفیر نے کہا کہ مسلح افواج کے درمیان اسٹریٹجک تعلقات دونوں ممالک کے مابین اہم ستون کی حیثیت رکھتے ہیں۔

تقریب کے دوران تصویری نمائش میں پاک چین دوستی کی عکاس تصاویر کو دلکش انداز میں پیش کیا گیا۔