عثمان بزدار نے لاہور سمیت پنجاب کے تمام چھوٹے بڑے شہروں میں آلائشوں کی ڈسپوزل کا کام جلد مکمل کرنے کا حکم دیتے ہوئے کہا ہے کہ عید صفائی آپریشن کو آج شام تک ہر حال میں مکمل کر لیا جائے۔

وزیراعلیٰ پنجاب کی جانب سے جاری ہدایات میں کہاگیا ہے کہ عید کے تیسرے روز صفائی اور کورونا ایس او پیز پر عملدرآمد یقینی بنایا جائے، صفائی انتظامات بارے شکایت پر ذمہ داروں کیخلاف کارروائی کی جائے ،سالڈ ویسٹ مینجمنٹ کمپنیاں گلیوں، محلوں اور بازاروں کی صفائی ستھرائی کی ذمہ داری پوری کریں۔

عثمان بزدار نے انتظامی افسران اور متعلقہ اداروں کے حکام کو ہدایت کی کہ وہ دفاتر سے باہر نکل کر صفائی آپریشن کی نگرانی خود کریں،بارش کی صورت میں واسا کے افسران اور عملہ بھی فیلڈ میں موجود رہے۔