محکمہ موسمیات کا کہنا ہے کہ چھ اگست کو مون سون سسٹم سندھ میں داخل ہوگا،اس سسٹم کے تحت شہر میں تیز بارشیں متوقع ہیں۔

محکمہ موسمیات کا مزید کہناہے کہ شہر میں سات اور آٹھ اگست کو تیز بارشوں کے پیش نظر اربن فلڈنگ کا خدشہ ہے،بارش سےقبل تیز گرد آلود ہوائیں چل سکتی ہیں۔

دوسری جانب محکمہ صحت سندھ نےصوبے میں بارشوں کے حوالے سے ہائی الرٹ جاری کردیا۔

ممکنہ بارش کے پیش نظر اسپتالوں میں ہائی الرٹ جاری کردیا گیا،اسپتالوں میں عملے کی موجودگی چوبیس گھنٹے یقینی بنائی جائے۔

محکمہ صحت سندھ کے نوٹیفکیشن کے مطابق تمام ڈاکٹرزاور اسٹاف کی چھٹیاں منسوخ کردی گئیں ہیں۔