مسلم لیگ ن کے رہنما پرویز رشید نے کہا ہے کہ پی ٹی آئی حکومت جلد ختم ہوجائے گی۔

پارلیمنٹ ہاؤس کے باہر میڈیا سے گفتگو میں انہوں نے کہا کہ نہیں لگتا حکومت اگلے چار پانچ ماہ نکال سکے گی ۔

ان کا کہنا تھا کہ ملک میں تبدیلی کا آغاز ہوچکا ہے، یہ تبدیلی ہے کہ عوام کا غصہ اب ابل رہا ہے، عوام حکومت سے چھٹکارا چاہتے ہیں۔

واضح رہے کہ پہلے ہی پی ٹی آئی حکومت کو خراب معاشی کارکردگی کے سبب شدید تنقید کا سامنا ہے ، جبکہ اس وقت ملکی معاشی اشاریئے بھی اتنے مثبت نہیں ہیں۔