شہر قائد کے مختلف علاقوں میں نجی اسکول کھولے جانے پر وزیر تعلیم و محنت سندھ سعید غنی نے ایکشن لیتے ہوئے سیکرٹری تعلیم اور ڈی جی پرائیویٹ اسکولز کو کھولے جانے والے اسکولوں کیخلاف ایکشن لینے کی ہدایات دے دیں۔

وزیر تعلیم سعید غنی نے کہا ہے جو نجی اسکولز صوبے بھر میں کھلیں ہیں ان کی رجسٹریشن فوری طورپر کینسل کردی جائے، متعلقہ ڈپٹی کمشنرز ان اسکولز کی انتظامیہ کیخلاف سخت اقدامات کریں اور ان کیخلاف ایکشن لیں۔

سعید غنی نے کہا کہ بچوں کی زندگی سے کھیلنے کی کسی کو بھی اجازت نہیں دی جائے گی، حکومتی رٹ کو چیلنج کرنے والوں کیخلاف سخت سے سخت کارروائی کی جائے ۔