مشیر خزانہ عبدالحفیظ شیخ کی زیر صدارت خیبر پختونخواہ میں گندم کی صورتحال پر جائزہ اجلاس ہوا۔ جس میں گندم اور آٹے کی تازہ ترین صورتحال پر بریفنگ دی گئی ۔

چیف سکرٹری کے پی نے بریفنگ میں بتایا کہ خیبرپختونخواہ کے پاس موجودہ ذخائر میں 6 لاکھ ٹن گندم موجود ہے۔ حال ہی میں پاسکو کے ذریعے ایک لاکھ ٹن گندم خریدی گئی ہے۔ مزید ایک لاکھ ٹن گندم کی خریداری کیلئے انتظامات کئے گئے ہیں۔

بریفنگ میں بتایا گیا کہپاسکو سے بعد میں مزید 3 لاکھ ٹن گندم خریدی جائے گی۔ ضروریات کیلئے 3 لاکھ گندم درآمد کرنے کا بھی ارادہ ہے۔ ان اقدامات سے گندم کے 15 لاکھ ٹن کے ذخائر دستیاب ہوں گے۔