تفصیلات کے مطابق اداکار یاسر حسین ابتداء سے ہی پاکستان میں 'ارطغرل غازی' ڈرامے کے ناقد رہے ہیں اور ان کا خیال ہے کہ ہمیں عالمی فنکاروں کی بجائے اپنے ملک کے فنکاروں کو پروموٹ کرنا چاہیئے۔

حال ہی میں انہوں نے اپنی ایک انسٹاگرام اسٹوری میں ترکش ڈرامہ سیریل 'ارطغرل غازی' کے کرداروں کی طرح نظر آنے والے 2 پاکستانیوں کی تصویر شیئر کی اور لکھا کہ "ان کو کوئی نہیں پوچھے گا کیونکہ گھر کی مرغی دال برابر اور باہر کا کچرا بھی مال برابر"۔

یاسر حسین کی انسٹاگرام اسٹوری کا اسکرین شاٹ سامنے آنے پر اداکارہ انوشے اشرف نے ردعمل دیتے ہوئے کہ "یاسر یہ ذہن میں رکھیں کہ کوئی کچرا نہیں ہوتا اور حتیٰ کہ اگر ان کا کام پسند کرنے کے قابل نہیں تو بھی دنیا بھر سے اداکاروں کی عزت کی جانی چاہیئے"۔

دوسری جانب یاسر حسین اب اپنی انسٹاگرام اسٹوری کے ذریعے کہہ رہے ہیں کہ انہوں نے ارطغرل کے اداکاروں کو 'عالمی کچرا' نہیں کہا اور یہ فیک نیوز ہے۔