ضلع مہمند کی تحصیل صافی میں ماربل کی کان پر تودہ گرنے سے جاں بحق افراد کی تعداد 23 ہوگی جبکہ واقعہ کو 4 دن گزر جانے کے بعد بھی عوام ملبے تلے دبے اپنے پیاروں کے جسد خاکی ملنے کے منتظر ہیں۔

جائے حادثہ پر امدادی کارروائیوں میں سماجی ادارے بڑھ چڑھ کر حصہ لے رہے ہیں،جس سے اہل علاقہ بھی مطمئن ہیں۔

حادثے نے حکومتی کارکردگی کی کلی کھول کر رکھ دی،صوبائی حکومت صرف اعلانات تک محدودہے ،عوامی نمائندےروزانہ زیارت ماربل کا طواف کرنے آتے ہیں اور فوٹو شوٹ کروا کر چلتے بنتے ہیں۔