وائٹ ہاؤس میں متحدہ عرب امارات اور بحرین نے اسرائیل کے ساتھ سفارتی تعلقات کے معاہدے پر دستخط کردیئے۔

معاہدے کی تقریب میں امریکی صدر ڈونلڈ ٹرمپ،اسرائیلی وزیراعظم نیتن یاہو،اماراتی وزیرخارجہ عبداللہ بن زایدالنہیان اوربحرینی وزیرخارجہ خالدبن احمدالخلیفہ شریک تھے۔

معاہدے کے بعد اسرائیل کو تسلیم کرنےوالی عرب ریاستوں کی تعداد 4ہوگئی۔

تقریب کے بعد صحافیوں سے گفتگو میں ڈونلڈ ٹرمپ نے دعوٰی کیا کہ سعودی عرب اور اسرائیل کے تعلقات بھی جلد معمول پر آجائیں گے۔

دوسری جانب معاہدے کیخلاف فلسطین کے مختلف شہروں میں مظاہرے کئے گئے۔

فلسطینی رہنما محمود عباس کہتے ہیں اسرائیلی تسلط ختم نہیں ہوتا خطے میں امن واستحکام نہیں آئے گا،مقبوضہ علاقوں سے اسرائیل کے انخلا سے مشرق وسطیٰ میں امن آسکتا ہے۔