آصف زرداری کی مشکلات میں اضافہ ہوگیا،سابق صدر کو ریلیف نہ مل سکا ،احتساب عدالت نے تینوں درخواستیں مسترد کردیں ۔

پارک لین، میگا منی لانڈرنگ اور ہریش اینڈ کمپنی ریفرنسز میں احتساب عدالت نے بڑا فیصلہ دے دیا ۔

احتساب عدالت کے جج اعظم خان نے محفوظ شدہ فیصلہ سنایا، جس میں قراردیا کہ آصف علی زرداری کو جعلی بینک اکاؤنٹس ریفرنسز میں بری نہیں کیا جا سکتا، تینوں کرپشن ریفرنسز پر سابق صدر پر فرد جرم عائد کی جائے۔

احتساب عدالت نے آصف علی زرداری سمیت تمام ملزمان کو 28 ستمبر کوطلب کر لیا۔

یاد رہے کہ احتساب عدالت نے آصف زرداری کی تینوں درخواستوں پر فیصلہ 17 ستمبر کو محفوظ کیا تھا۔

دوسری جانب اسلام آباد ہائیکورٹ کے ڈویژنل بینچ نے آصف زرداری کی درخواست ضمانت پر سماعت کی۔

عدالت نے آصف زرداری کی عبوری ضمانت میں 15 اکتوبرتک توسیع کرتے ہوئے سماعت ملتوی کردی۔