پاک فوج کے شعبہ تعلقات عامہ (آئی ایس پی آر )کے مطابق روس کے شہرآسترکھان میں کیوکاز2020 کثیر الملکی مشقوں کا انعقاد کیا گیا۔

آئی ایس ‏‏پی آر کے مطابق وزیردفاع پرویز خٹک نے کیوکاز2020 کی اختتامی تقریب میں شرکت ‏‏کی اور مشقوں کا معائنہ کیا۔

مشقوں میں شریک پاکستانی اور چینی دستوں سے وزیردفاع ‏‏ ‏پرویز خٹک نے ملاقات بھی کی، پاک فوج کے چیف آف لاجسٹک اسٹاف لیفٹیننٹ ‏‏جنرل اظہرصالح بھی وفد کا حصہ تھے۔

آئی ایس پی آر کے مطابق مشقوں میں شریک مختلف ممالک کے ‏‏مندوبین بھی موجود تھے، کیوکاز2020 کثیرالقومی مشقوں کا 21 سے 26 ستمبر تک ‏‏انعقاد کیا گیا۔