ہفتے کو لاہور میں ایک تقریب سے خطاب کرتے ہوئے انہوں نے کہا کہ قومی استحکام کو داؤپر لگانے کی سیاست سے اجتناب کیا جائے۔

انہوں نے کہا کہ پاکستان کی ترقی اور خوشحالی پاکستان تحریک انصاف کی سیاست کا محور ہے۔

وفاقی وزیر نے کہا کہ ملک کی مسلح افواج نے ملک میں امن قائم کرنے اور دہشتگردی کے خلاف جنگ میں شاندار خدمات انجام دی ہیں۔

بعد میں صحافیوں سے بات چیت کرتے ہوئے انہوں نے کہا کہ مسترد سیاسی عناصر منفی سیاست کے ذریعے اپنی بدعنوانی کو چھپانا چاہتے ہیں۔

شفقت محمود نے کہا کہ مسلم لیگ نون نواز شریف کیلئے حکومت سے این آر او چاہتی تھی۔ انہوں نے کہا کہ موجودہ حکومت کو حزب اختلاف کی جماعتوں سے کوئی خطرہ نہیں۔

ریڈیو پاکستان