تفصیلات کے مطابق کراچی پریس کلب میں پریس کانفریس کے دوران ٹک ٹاکر حریم شاہ نے موجودہ حکومت سے ٹک ٹاک پر پابندی ہٹانے کا مطالبہ کردیا۔

انہوں نے کہا ہے کہ حکومت نے ٹک ٹاک پر پابندی لگا کر نوجوانوں سے ان کا ہنر چھین لیا ہے اگر پابندی لگانی ہے تو بے حیائی پر لگائی جائے اپنے ٹیلنٹ کو پرموٹ کرنا کوئی بے حیائی نہیں۔

پریس کانفرس کے دوران حریم کا مزید کہنا تھا کہ میری عمران خان سے گزارش ہے کہ ٹک ٹاک سے فوری طور پر پابندی ختم کی جائے، حکومت کے پاس کوئی ایسی وجہ نہیں کہ اس ایپ پر پابندی لگے۔

انہوں نے مزید کہا کہ ہزاروں نوجوان اس پابندی کی وجہ سے پریشان ہیں، میں خود بے حیائی کے خلاف سب سے آگے کھڑی ہوں مگر ٹیلنٹ کو چھین لینا کہاں کا انصاف ہے۔