وزیراعظم عمران خان سے مشیر پارلیمانی امور بابراعوان نے ملاقات کی،جس میں ملکی معاملات اور آئینی امور پر تبادلہ خیال کیا گیا ۔

بابر اعوان نے پارلیمنٹ کے آئندہ سیشن اور نئی قانون سازی پر بریفنگ دی۔

اس موقع پر وزیراعظم نے کہاکہ ادارے قوم کو پیارے ہیں ملک کو استحکام کی راہ پرڈال دیا ،قومی دولت چوری کرنے والے صرف این آر او کی تلاش میں ہیں۔

بابر اعوان نے کہاکہ اداروں کیخلاف بیانیہ کسی صورت ملکی اور قومی مفاد میں نہیں،عوام ریاستی اداروں کے ساتھ کھڑے ہیں، بھرپوردفاع کیا جائےگا ، بہتر معاشی اقدامات کے باعث حکومت درست سمت میں آگے بڑھ چکی ہے۔