سینیٹ اجلاس آج شام 4بجے ہوگا،اجلاس کیلئے 8نکاتی ایجنڈا جاری کردیا گیا،ایجنڈے میں مختلف تحاریک اورتحریک التوا ءشامل ہیں۔

اجلاس میں متعدد قائمہ کمیٹیوں کی رپورٹس پیش کی جائیں گی،حالیہ ادویات کی قیمتوں میں اضافہ،بجلی اورانسانی بنیادی ضروریات اشیاء کی بڑھتی قیمتوں پرمنظورکردہ تحریک التوا ءپربحث آج ہوگی۔

تحریک التوا ءسسی پلیجو،جاوید عباسی، نزہت صادق،رانا محمود الحسن اوربہرا مند تنگی کی جانب سے پیش کی گئی تھی۔

ذرائع کے مطابق اجلاس میں اپوزیشن رہنماؤں کی گرفتاریوں پرآج بھی احتجاج متوقع ہے۔