اسلام آباد ہائیکورٹ کے چیف جسٹس اطہر من اللہ نے سزا مکمل کرنے والے 8 بھارتیوں کی رہائی سے متعلق درخواست پر سماعت کی ۔

وزارت داخلہ کے نمائندہ نے عدالت کو بتایا کہ 8 میں سے پانچ بھارتیوں کو انڈیا ڈیپورٹ کردیا گیا ہے۔

چیف جسٹس اطہر من اللہ نے ریمارکس دیئے کہ قانوناجب مجرم سزا مکمل کرلے تو اس کو زیر حراست رکھنا غیر انسانی سلوک ہے۔

اسلام آباد ہائیکورٹ نے وزارت داخلہ سے آئندہ سماعت پر قیدیوں سے متعلق تازہ ترین رپورٹ طلب کرتے ہوئے سماعت ملتوی کر دی۔