کراچی میں ٹریفک پولیس کی جانب سے 12ربیع الاول کےجلوسوں کےحوالے سے ٹریفک پلان جاری کردیا گیا ،جس کے مطابق لی مارکیٹ،مائی کولاچی سےایم اےجناح روڈٹریفک کیلئےبندرہےگی۔

ٹریفک پولیس کا کہنا ہے کہ دعوت اسلامی کاجلوس2:30بجےکھارادرسےشہیدمحمدمسجدسےبرآمدہوگا ،جلوس لائٹ ہاؤس اورجامع کلاتھ سے ہوتا ہوا مسجد گلزار حبیب پہنچے گا،دوسرا جلوس 2:30 بجے میمن مسجد کھارادر سے برآمد ہوگا،جلوس آرام باغ پر اختتام پذیر ہوگا۔

محکمہ ٹریفک پولیس کا کہنا ہے کہ جلوس کی مناسبت سے کیماڑی سےجناح بریج آنےوالےٹریفک کومتبادل راستوں پرمنتقل کیا جائے گا،یونیورسٹی روڈسےآنے والےٹریفک کوایم اےجناح روڈجانےکی اجازت نہیں ہوگی جبکہ عائشہ منزل جانےوالےٹریفک کوصدرکوریڈور 3 کی جانب موڑا جائے گا ۔

ٹریفک پولیس کے مطابق گرومندرسےایم اےجناح آنےوالےٹریفک کوسینٹرل جیل کی طرف موڑا جائے گا،ٹریفک کولسبیلہ، برنس روڈسےایم اے جناح روڈ آنے کی اجازت نہیں ہوگی۔

اس کے علاوہ ٹریفک کو شارع قائدین سےسوسائٹی سگنل آنے کی اجازت بھی نہیں ہوگی،نشتر روڈ سے براستہ رنچھوڑ لائن کھارادر جانے کی اجازت بھی نہیں ہوگی،شہری پریشانی سے بچنے کیلئے متبادل راستوں کا انتخاب کریں۔