شرمیلا فاروقی کی جانب سے انسٹاگرام پر ہیلووین کے موقع پر خوفناک لباس اور روپ تصاویر شیئر کیں۔

تصاویر میں شرمیلا فاروقی ڈھانچے کے ڈیزائن کی سیاہ شرٹ پہنے اور ہیلووین میک اپ کے باوجود بھی دلکش لگ رہی ہیں۔

شرمیلا کو ہیلوووین لک دینے کے لیے میک اپ آرٹسٹ نے شرمیلا کے چہرے کے دونوں اطراف منفرد طرز کا میک اپ کیا ہے۔

ان تصاویر میں کھڑی شرمیلا فاروقی ہاتھ میں کلہاڑی اور چین تھامے صارفین کو خوف میں مبتلا کرتی بھی نظر آرہی ہیں۔

شیئر کی گئی تصاویر کے ساتھ کیپشن میں پی پی رہنما نے 18سالہ باصلاحیت میک اپ آرٹسٹ کے فن کو بھی سراہا ہے۔

خیال رہے کہ "ہیلووین" ایک مغربی تہوار ہے جو کہ بہت سے مشرقی ممالک میں بھی 31 اکتوبر کو منایا جاتا ہے۔ اس رات اندھیرا چھانے پر بچے اور بڑے خوفناک قسم کے ملبوسات پہن کر دوسروں کو ڈرانے کے لیے نکل کھڑے ہوتے ہیں۔