ملک میں سیاسی جلسوں میں شریک نہ صرف عوام بلکہ سیاسی رہنما ءبھی کورونا کا شکار ہونےلگےاوراس بار پیپلزپارٹی پنجاب کے صدر اور سینئر رہنماء قمرزمان کائرہ میں کورونا وائرس کی تصدیق ہوگئی۔

قمر زمان کائرہ گلگت بلتستان انتخابی مہم میں مصروف عمل تھے اور بھرپور طریقے سے انتخابی مہم چلا رہے تھے تاہم کچھ دنوں سے وہ گلے میں سوزش اور نزلہ زکام محسوس کر رہے تھے، انہوں نے احتیاطی طور پر کورونا کا ٹیسٹ کرایا تھا اور گزشتہ رات ان کا کورونا ٹیسٹ مثبت آیا تھا۔

ذرائع کا کہنا ہے کہ قمر الزمان کائرہ ٹیسٹ مثبت آنے پر گلگت سے اسلام آباد پہنچ گئے اور انہوں نے خود کو 15 دن کیلئے قرنطنیہ کر لیا ۔