کترینہ کیف نے انسٹاگرام پر اپنی کورونا وائرس ٹیسٹ کراتے ہوئے ویڈیو شیئر کی۔ جس میں دیکھا جاسکتا ہے کہ سیمپل لینے والے شخص نے پی پی ای کٹ پہن رکھی ہے اور مکمل حفاظتی انتظام کے ساتھ اداکارہ کا ٹیسٹ سیمپل لیا جارہا ہے۔

اس دوران کترینہ کیف پُراعتماد اور خوش دکھائی دے رہی ہیں۔ ایک موقع پر کترینہ کیف کو تھوڑا درد یا تکلیف محسوس ہوئی جس پر انہوں نے سیمپل لینے والے شخص کا ہاتھ پکڑنے کی کوشش کی۔ لیکن سیمپل دینے کے بعد وہ مطمئن دکھائی دیں۔

اداکارہ کی ویڈیو کو لاکھوں مداحوں نے پسند کیا اور ان کے لیے نیک تمناؤں کا اظہار کیا ہے جبکہ کچھ لوگوں نے کمنٹس سیکشن میں لکھا کہ ٹیسٹ سیمپل لینے کے لیے غلط طریقہ کار اپنایا گیا۔