وزیراطلاعات سینیٹر شبلی فراز نے اپنے سماجی رابطے کی ویب سائٹ ٹوئٹر پراپنے ٹویٹ میں کہا کہ ‏نواز شریف، ان کے سمدھی اسحاق ڈار اور صاحبزادوں حسن اور حسین کے پاکستان آنے پر کوئی قدغن نہیں ،وہ تشریف لائیں اور مرحومہ بیگم شمیم اختر کے جنازے میں شرکت فرما کر ثواب دارین حاصل کریں۔

نواز شریف، ان کے سمدھی اسحاق ڈار اور صاحبزادوں حسن اور حسین کے پاکستان آنے پر کوئی قدغن نہیں۔وہ تشریف لائیں اور مرحومہ بیگم شمیم اختر صاحبہ کے جنازے میں شرکت فرما کر ثواب دارین حاصل کریں ۔ریاستی جبر کا پروپیگنڈہ دانستہ اس معاملے میں سیاست کرنا ہے۔ آپ کسے بے وقوف بنا رہے ہیں؟

— Senator Shibli Faraz (@shiblifaraz) November 24, 2020

شبلی فراز نے مزید کہا کہ ریاستی جبر کا پروپیگنڈہ دانستہ اس معاملے میں سیاست کرنا ہے، آپ کسے بے وقوف بنا رہے ہیں؟ ۔

دوسری جانب معاون خصوصی شہباز گل نے اپنے ٹویٹ میں کہا کہ آئینِ پاکستان کے آرٹیکل 9 کے تحت ہر پاکستانی شہری کو زندگی کا تحفظ حاصل ہے، کوئی بھی فرداور ادارہ اپنے مقاصد کے حصول کیلئے کسی شہری کی زندگی داؤ پر نہیں لگا سکتا۔

آئینِ پاکستان(آرٹیکل 9)کے تحت ہر پاکستانی شہری کو زندگی کا تحفظ حاصل ہے

کوئی بھی فرد،ادارہ اپنے مقاصد کے حصول کیلئے کسی شہری کی زندگی داؤ پر نہیں لگاسکتا

"جمہوریت کے جعلی علمبردار"

اپنے "مذموم" مقاصد کے حصول کے لیےآئین کی پامالی اور شہریوں کی زندگیوں سے کھیلنے میں مصروف ہیں

— Dr. Shahbaz GiLL (@SHABAZGIL) November 24, 2020

شہباز گل کا مزید کہنا تھا کہ جمہوریت کے جعلی علمبردار اپنے "مذموم"مقاصد کے حصول کیلئے آئین کی پامالی اور شہریوں کی زندگیوں سے کھیلنے میں مصروف ہیں۔