وزیراعلیٰ سندھ مراد علی شاہ کا تیسراکورونا ٹیسٹ منفی آگیا ، وہ 17روز تک کورونا وائرس میں مبتلا رہے۔

کورونا نیگیٹو آنے پر وزیراعلیٰ سندھ مراد علی شاہ نے دعا کرنے والوں سے تشکر کا اظہار کیا ہے۔

مراد علی شاہ نے کورونا منفی آنے پر ٹویٹ کیا جس میں انہوں نے کہا کہ وہ ﷲ تعالیٰ کے شکر گزار ہیں۔

وزیر اعلیٰ سندھ کا پچھلے ماہ 16 نومبر کو کورونا ٹیسٹ مثبت آیا تھا اور وزیر اعلیٰ مراد علی شاہ کئی روز تک وائرس میں مبتلا رہے۔

ذرائع کا کہنا ہے کہ مراد علی شاہ کا تیسرا کورونا ٹیسٹ منفی آیا ہے جبکہ اُن کے 2 ٹیسٹ مثبت رہے تھے۔