بھارتی میڈیا رپورٹس کے مطابق مشہور ڈرامہ سیریل "یہ رشتہ کیا کہلاتا ہے" میں اداکاری کرنے والی 34 سالہ دیویا بھٹناگر کورونا کے باعث چل بسیں۔

نومبر میں دیویا کا کورونا ٹیسٹ مثبت آیا تھا، حالت بگڑنے پر اُنہیں اسپتال منتقل کیا گیا اور جہاں وہ گزشتہ کچھ دنوں سے وینٹی لیٹرپر بھی تھیں۔

دیویا کی موت پر اداکارہ دیوولینا بھٹاچرجی نے انتہائی جذباتی پیغام شیئر کیا۔ انہوں نے دیویا کے ہمراہ لی گئیں 2 تصاویر انسٹاگرام پر شیئر کیں اور لکھا کہ "جب کوئی کسی کے ساتھ نہیں ہوتا تھا تو بس تُو ہی ہوتی تھی۔ دیوو تو ہی تو میری اپنی تھی جسے میں ڈانٹ سکتی تھی، روٹھ سکتی تھی، دل کی بات کرسکتی تھی۔"

انہوں نے ساتھی اداکارہ کی موت پر گہرے دکھ کا اظہار بھی کیا اور یہ بھی کہا کہ تم بہت جلد چلی گئیں۔

دوسری جانب اداکارہ شلپا نے بھی دیویا کی موت پر دکھ کا اظہار کیا۔