بھارتی میڈیا رپورٹ کے مطابق اداکار فردین خان 2016 میں بے حد موٹاپے کا شکار ہوگئے تھے اور جب ان کی تصاویر سامنے آئی تھیں تو سوشل میڈیا پر انہیں بے حد تضحیک کا نشانہ بنایا گیا تھا تاہم اب اداکار نے خود کو ایک بار پھر ایسا فٹ کرلیا ہے کہ مداح خوشی سے پھولے نہیں سما رہے۔

مانو منگلانی نے انسٹاگرام پر فردین خان کی تصاویر شیئر کی ہیں جس میں اداکار کو ڈائریکٹر مکیش چھابڑا کے آفس کے باہر کھڑے دیکھا جاسکتا ہے۔ ان تصاویر میں فردین انتہائی اسمارٹ اور فٹ نظر آ رہے ہیں۔

فردین خان سے متعلق گزشتہ کچھ عرصے سے یہ افواہ گردش کررہی ہے کہ وہ انڈسٹری میں واپسی کر رہے ہیں تاہم اب مکیش چھابڑا کے آفس کے باہر لی گئیں ان تصاویر کے سامنے آنے سے ایسا لگ رہا ہے کہ واقعی شوبز میں اُن کی ایک بار پھر واپسی ہورہی ہے۔

واضح رہے کہ فردین خان کو بڑی اسکرین پر آخری مرتبہ 2010 میں ریلیز ہونے والی مدثر عزیز کی 'دلہا مل گیا' میں دیکھا گیا تھا۔