اسلام آباد ہائیکورٹ کے چیف جسٹس اطہر من اللہ نے اشتہاری ملزمان کی تقاریر پر پابندی کیخلاف درخواست پر سماعت کی۔

ہیومین رائٹس اور پی ایف یو جے کے وکیل سلمان اکرم راجہ نے درخواست واپس لینے کا مؤقف اپناتے ہوئے کہا کہ نئی بنیادوں پر دوبارہ درخواست دائر کریں گے۔

دوران سماعت چیف جسٹس اطہر من اللہ نے ریمارکس دئیے کہ درخواست میں بڑے بڑے نام شامل تھے جس سے تاثر درست نہیں گیا ۔

سلمان اکرم راجہ نے کہا کہ یہ تاثر نہیں دینا چاہتے کہ ہم کسی کے ایجنٹ بن کر درخوست گزار بنے، نئی بنیادوں پر وسیع تناظر میں درخواست دائر کریں گے۔

بعدازاں اسلام آباد ہائیکورٹ نے درخواست واپس لینے کی استدعا منظور کر لی۔