ملک بھر میں کورونا ویکسین لگانے کا عمل جاری ہے اور شہر شہر ہیلتھ ورکرز ویکسین لگوارہے ہیں ۔

وزیرصحت پنجاب ڈاکٹر یاسمین راشد نے کہا سائنو فارم کی ویکسین کا کوئی سائیڈ افکیٹ اب تک سامنے نہیں آیا۔

وزیراعظم کے معاون خصوصی فیصل سلطان نے واضح کردیا کہ یہ ویکسین ساٹھ سال سے زائد کے افراد کو نہیں لگ سکتی۔ ان کے لیے آسٹرا زینیکا ویکسین کا انتظار ہے۔

اُدھر وزیراعلیٰ سندھ سے چینی قونصل جنرل لی بیجین نے ملاقات کی ۔ جس میں سائینو فارم ویکسین کی خریداری پر بات چیت ہوئی۔

این سی او سی نے ویکسین لگوانے کے خواہشمند ہیلتھ ورکز کیلیے ہدایات جاری کردیں۔ویکسین لگوانے کیلیے موبائل سے ڈبل ون ڈبل سکس پر پیغام بھیجنا ہوگا۔