وزیراعلیٰ پنجاب عثمان بزدار نے قومی یکجہتی کوفروغ دینےکیلئےاحسن اقدام کرتے ہوئے لاہور سمیت پنجاب بھر میں 2مارچ کو بلوچ کلچر ڈے شایان شان طریقے سے منانے کا فیصلہ کرلیا۔

صوبے کے اضلاع میں بلوچ کلچر ڈے پر ثقافتی شوز اور کلچرل تقریبات منعقد ہوں گی جن میں بلوچستان سے تعلق رکھنے والے فنکار بھی پرفارم کریں گے۔

وزیراعلیٰ پنجاب نے کہا ہے کہ بلوچ کلچر ڈے منانے سے بین الصوبائی ہم آہنگی کو فروغ ملے گا،پنجاب حکومت کا یہ اقدام بلوچ بہن بھائیوں کیلئے خیرسگالی کے جذبات کا حامل ہے،بلوچ کلچر ڈے کے ذریعے اتحاد و یگانگت اور بھائی چارے کی فضا کو فروغ ملے گا۔

عثمان بزدار کا مزیدکہنا ہے کہ پنجاب اور بلوچستان کی مشترکہ سرحدیں محبت اور پیار کی آئینہ دار ہیں۔