اسلام آباد میں نسٹ یونیورسٹی کے دورے کے بعد میڈیا سے گفتگو کرتے ہوئے شبلی فراز کاکہنا تھا ہم لوکل ریسورس کا استعمال کرکےملک کو آگے لیکر جانا چاہتے ہیں۔حکومت کا کام کاروبار کےلئے مواقع فراہم کرنا ہے۔

انہوں نے کہا ہمارے وینٹیلیٹر بھی چار فنکشنز پر ہی صرف پورا اترتے ہیں۔آکسیجن اور ضروری اسٹاک بھی موجود نہیں، این آر ٹی سی سمیت دیگر ادارے ہیں لیکن وہ بھی اس مقام پر نہیں۔وزارت صنعت اسٹیل ملز کے پلانٹ کے بارے میں بھی دیکھ رہی ہے۔

شبلی فراز نے بھارت کو پیش کش کی کہ جو ممکن ہوسکا اس مشکل صورتحال میں بھارت کی مدد کرینگے،کیونکہ یہ انسانیت کا معاملہ ہے، ہماری ہمدردیاں ان کے ساتھ ہیں۔