وزیراعظم کےنمائندہ خصوصی حافظ طاہر محمود اشرفی نے عوام سےکورونا ایس او پیز پر عمل کرنےکی اپیل کرتے ہوئےعلماء کرام اور خطباء سے احتیاطی تدابیر پر عمل کرنے کے لئے اپنا کردار ادا کرنے کی اپیل کی ہے۔

ان کا کہنا تھا کہ جمعہ کو یوم دعا کے طور پر منایا جائے کہ پورے عالم انسانیت کو اس وباءسے چھٹکارا ملے۔

انہوں نے کہااسلامی دنیا کے تعلقات کے حوالے سے پاکستان نے بڑی کامیابیاں حاصل کی ہیں۔ متحدہ عرب امارات، ایران اور ترکی اسلام فوبیا اور توہین رسالت روکنے کےلئے کردار ادا کرنے کو تیار ہیں۔

ان کا کہنا تھا کہ دورہ سعودی عرب کے دوران امید ہے گرین سعودیہ کا ایم او یو بھی سائن ہوگا ۔وزیراعظم عمرہ کے ساتھ مدینہ منورہ میں بھی حاضری دینگے۔