پنجاب میں کورونا کے پھیلاو کو روکنے کےلئے اہم فیصلہ کرلیا۔آٹھ مئی سے پنجاب بھر میں مکمل لاک ڈاؤن ہوگا۔

صوبے میں مکمل لاک ڈاون لگانے کا فیصلہ صوبائی وزیر صحت ڈاکٹر یاسمین راشد کی زیر صدارت اجلاس میں کیا گیا۔

فیصلے کے مطابق لوگوں کی نقل وحرکت محدود کرنے کیلئے ہر قسم کی پبلک ٹرانسپورٹ،پارکس، سیاحتی مقامات، شاپنگ مال، مزارات اور سینما گھر مکمل بند رہیں گے۔ شہروں کے داخلی اور خارجی راستوں پر چیک پوائنٹس قائم کئے جائیں گے.جن پر پولیس، رینجرز اور فوج تعینات کی جائے گی ۔

لاک ڈاون کے دوران میڈیکل اسٹورز، بیکریاں، جنرل اسٹورز، دودھ، گوشت، تندور ، پھل اور سبزیوں کی دوکانیں کھلی رہیں گی۔ وزیر صحت ڈاکٹر یاسمین راشد نے کہا ہے کہ کورونا وبا پر قابو پانے کیلئے اگلے 15 سے 20 دن نہایت اہم ہیں۔ عید پر زیادہ چھٹیاں دینے کا مقصد لوگوں کی نقل وحمل کو محدود کرنا ہے۔