لاہور ہائیکورٹ کے جسٹس راحیل کامران نے جہانگیر ترین کی شوگر مل میں کارپوریٹ فراڈ کیس کی سماعت کی۔

درخواستگزار کے وکیل نے عدالت کو بتایا کہ ایف آئی اے کا نوٹس جاری کرنے سے قبل پیشگی اطلاع دینا لازم ہے۔

درخواست کے مطابق نوٹس بھیجنے والا اس بات کا مجاز ہی نہیں کہ تفصیلات پوچھ سکے۔ مالی اثاثوں کی جانچ پڑتال متعلقہ ٹیکس آفیسر ہی کر سکتا ہے۔

درخواستگزار کی جانب سے داخل کرائے گئے جواب کو بھی تسلیم نہیں کیا جا رہا۔ عدالت نے شوگر مل کا آڈٹ کرنے کے خلاف حکم امتناعی میں توسیع کرتے ہوئے سماعت گیارہ جون تک ملتوی کردی۔