کوٹ لکھپت جیل سے رہائی کے بعد ایم پی اے نذیر چوہان صوبائی وزیر جیل خانہ جات فیاض الحسن چوہان کے آفس پہنچے۔

میڈیا سے گفتگو کرتے ہوئے نذیر چوہان کا کہنا تھا کہ جہانگیرترین نے مجھے اپنے مفاد کیلئے استعمال کیا، ان سے اب کوئی تعلق نہیں۔

نذیر چوہان بولے کہ جیسے ہی طبیعت بہتر ہو گی وہ پرویز الٰہی، عمران خان اور شہزاد اکبر سے ملاقات کر کے شکریہ ادا کریں گے۔

آج صبح لاہور کی مقامی عدالت کے روبرو معاون خصوصی شہزاد اکبر کے نماٸندوں نے فریقین میں راضی نامہ کی تصدیق کی، جس کی بنیاد پر عدالت نے ایم پی اے نذیر چوہان کو ضمانت پر رہا کرنے کا حکم دیا تھا۔