راولپنڈی میں طوفانی بارش سے نالہ لئی میں پانی کی سطح غیرمعمولی بلند ہوئی ۔ نالہ لئی میں کٹاریاں کے مقام پر پانی کی سطح 18فٹ تک پہنچ گئی ۔

اسلام آباد میں طوفانی بارش سے ہر طرف پانی ہی پانی ہے اور سڑکیں اورانڈرپاسزبارش کے پانی میں ڈوب گئے ۔ گاڑیاں رک گئیں ۔

بارش کے پانی سے برساتی نالوں کا بہاؤ تیز ہوگیا ۔ پولی کلینک ہسپتال میں بھی بارش کا پانی داخل ہوگیا ۔ بارش کا پانی اوپی ڈی میں داخل ہوا ۔ او پی ڈی میں مریضوں کومشکلات کا سامنا رہا ۔

اسلام آباد کے شہری کہتے ہیں کہ بارش سے موسم سہانا ہو گیا ہے ، اس بارش سے موسم تبدیل ہو جائے گا،اور اب سردی کی جانب صورتحال جانے شروع ہو جائے گی ۔

راولپنڈی میں موسلادھار بارش سے نشیبی علاقوں میں پانی گھروں میں داخل ، ڈھوک کالا خان، ندیم کالونی، جاوید کالونی ، صادق آباد میں پانی ہی پانی ، نالہ لئی میں پانی کی سطح پانچ فٹ تک بلند ، اب تک شہر میں اسی ملی میٹر بارش ریکارڈ کی گئی ۔

راولپنڈی میں طوفانی بارش سے نالہ لئی میں پانی کی سطح غیر معمولی بلند ہوئی ۔ نالہ لئی میں کٹاریاں کے مقام پر پانی کی سطح 18فٹ تک پہنچ گئی۔ گوالمنڈی میں پانی کی سطح 8فٹ تک بلند ہوگئی ۔ محکمہ موسمیات نے تین روز تک بادل برسنے کی پیش گوئی کی ہے ۔