پوسٹ میں انہوں نے لکھا ہے کہ یہ صحیح ہے کہ انہوں نے دوبارہ شوبز میں قدم رکھنے کا فیصلہ کرلیا ہے اور اب وہ شوبز میں ہی رہینگی۔

انہوں نے اپنے فینز کی جانب سے خلوص کے اظہار پر شکریہ بھی ادا کیا اور کہا کہ وہ مداحوں کی جانب سے انہیں اپنی زندگی کا حصہ بنانے پر شکرگزار ہیں ۔

پوسٹ میں انہوں نے آئندہ اپنے پراجیکٹس سے متعلق بھی پرجوش ہونے کا اظہار کیا۔

جولائی میں ادکارہ ایمن سلیم نے شوبز سے کنارہ کشی کا اعلان کردیا تھا۔

اپنے مداحوں کو مزید بتاتے ہوئے ایمن سلیم کا کہنا تھا کہ اب وہ اداکاری نہیں کریں گی۔

تاہم ان کا مزید کہنا تھا کہ وہ مستقبل سے متعلق جلد اپنے فینز کو بتائیں گی ۔

اب انہوں نے دوبارہ شوبز میں قدم رکھنے کا اعلان کردیا ہے۔

یاد رہے کہ ایمن سلیم پاکستان کے سابق کرکٹر سلیم یوسف کی صاحبزادی ہیں۔