اسلام آباد کے علاقے بھارہ کہومیں ٹریفک حادثہ ہوا ہے ، بارش کے باعث گاڑی گہری کھائی میں جاگری،ایک ہی خاندان کےسات افراد جاں بحق ہوگئے،جاں بحق افراد شادی کی تقریب سے واپس جاتے ہوئے حادثے کا شکار ہوئے۔

اسلام آباد کےمضافاتی علاقےمیں ہولناک ٹریفک حادثہ رات گئے پیش آیا۔

گاڑی میں سوار افراد پھلگراں سےشادی کی تقریب سےواپس آرہےتھےکہ شدید بارش کی وجہ سے گاڑی برساتی پانی کےبہاوکے باعث گہری کھائی میں جاگری۔

پولیس مقامی افراد اوردیگرریسکیو اداروں نے لاشوں کوباہرنکالا اور اسپتال منتقل کیا ، حادثہ میں جاں بحق افراد کا تعلق ایک ہی خاندان سے تھا جن میں راجہ حمزہ ،رابعہ بی بی ،طاہرہ بی بی،شمائلہ بی بی،مسمات مناہل ،رمشا بی بی اورنازیہ بی بی شامل ہیں ۔

میتوں کوپولی کلینک منتقل کیا گیا جہاں انتظامی کارروائی کے بعد ورثاء کے حوالے کردی گئیں۔