الیکشن کمیشن نے حکم نامے میں کہا کہ خیبر پختوانخوا نے نومبر، دسمبر میں پہلے مرحلے میں بلدیاتی انتخابات کا انعقاد تجویز کیا۔

حکم نامے میں کہا گیا ہے کہ خیبر پختونخوا حکومت ایکشن پلان الیکشن کمیشن سے شئیر کرے۔ اور بتایا جائےکن اضلاع اور حلقوں میں پہلے مرحلے میں انتخابات منعقد ہوں گے جبکہ دیگر مرحلوں میں دوسرے اضلاع میں بلدیاتی انتخابات کا ایکشن پلان بھی دیا جائے۔

الیکشن کمیشن نے بلوچستان میں بلدیاتی انتخابات کے انعقاد سے متعلق حکم نامہ میں کہا کہ بلوچستان حکومت کو قانون میں ترمیم اورحدبندیوں کے نوٹیفکیشن کے لیے تین ماہ کی مہلت دی جاتی ہے ۔

ای سی پی نے مزید کہا کہ عملدرآمد نہ ہونے کی صورت میں معاملے پر الیکشن کمیشن میں دوبارہ سماعت ہو گی۔ چیف سیکریٹری عملدرآمد نہ ہونے پر 14 اکتوبر کو پیش ہوکر وضاحت دیں گے۔ ای سی پی کے مطابق بتایا گیا ہے بلوچستان حکومت بلدیاتی انتخابات کے انعقاد کے لیے تیار ہے ۔