کراچی سی ویو سے کار ریلی نکالی گئی جس میں خواتین سمیت نوجوانوں کی بڑی تعداد اجرک پہنے موجود تھیں۔

سندھی ثقافت کےعالمی دن پر س ویو پر اجرک ڈے کار ریلی نکالی گئی۔ کراچی میں بھی یوم ثقافت روایتی جوش و جذبے کے ساتھ منایا جارہا ہے۔

سندھ کا پورا خطہ دھنک کے رنگوں سے سج گیا۔ ہر طرف ٹوپی اور اجرک کی بہار نظر آئی ۔

خواتین اور مرد نئے ملبوسات زیب تن کیے ، کاندھے پر اجرک اور سر پر ٹوپی پہن کر سندھی ثقافت کا دن مناتے نظر آئے۔

سندھی ثقافت کے موقعے پر سی ویو سے نکالا جانے والی ریلی میں گاڑیوں کو بھی سندھی اجرک سے سجایا گیا جبکہ سڑکوں پر لوگ اجرک اور سندھی ٹوپی پہن کر ریلیوں کی صورت میں گشت کرتے رہے جن میں خواتین بھی بڑی تعداد موجود تھی۔