بالائی علاقوں میں برفباری کے باعث شہریوں کی مشکلات بڑھ گئی،آزاد کشمیرمیں شدید برفباری نے نظام زندگی متاثرکردیا ۔

وادی لیپہ ،نیلم اورریشیاں میں اب تک 3فٹ سے زائد برفباری پڑچکی ہے،ریشیاں لیپہ روڈ گزشتہ 5روزسے بند ہے جبکہ متاثرہ علاقے کےمکین گھرتک محدود ہوکررہ گئے۔

کوہستان میں مختلف مقامات پرلینڈ سلائڈنگ کےباعث ٹریفک کی روانی متاثرہے ۔

اسکردوروڈ میں مسافر وین لینڈ سلائڈنگ کی زد میں آگئی ، ڈرائیورسمیت 4افراد زخمی ہوئے ،جنہیں اسپتال منتقل کیا گیا جہاں ایک زخمی کی حالت تشویشناک بتائی جارہی ہے ۔