اٹارنی جنرل پاکستان نے خط میں کہا کہ نواز شریف کی صحت سے متعلق 28 جنوری کو ڈاکٹر فیاض نے نئی دستاویز جمع کرائی تھی۔

خط میں کہا گیا ہے کہ نواز شریف کی صحت سے متعلق لاہور ہائیکورٹ میں جمع کرائی گئی دستاویز پنجاب میڈیکل بورڈ کو فراہم کی جائے۔

خط کے متن میں یہ واضح کیا گیا ہے کہ پنجاب حکومت کے قائم کیے گئے میڈیکل بورڈ نے نواز شریف مزید رپورٹس طلب کی تھیں تاکہ میڈیکل بورڈ ان کی صحت اور سرگرمیوں سے متعلق اپنی رائے دے گا۔

اٹارنی جنرل نے خط میں کہا کہ میڈیکل بورڈ کی رائے کے بعد اٹارنی جنرل آفس شہباز شریف کے خلاف کاروائی کے لیے آئندہ کا لائحہ عمل طے کرے گا۔

خط میں کہا گیا کہ لاہور ہائیکورٹ میں نواز شریف کی وطن واپسی کے ضامن شہباز شریف ہیں۔

تاہم وفاقی کابینہ نے بیان حلفی کی خلاف ورزی پر شہباز شریف کیخلاف کاروائی کی ہدایت کی ہے۔