ایک بیان میں حمزہ شہباز کا کہنا تھا کہ پاکستان کی تاریخ میں عمرانی سرکار نے نااہلی، آرگنائزڈ کرپشن اور بیڈ گورننس کے ریکارڈ قائم کئے، پونے 4 برس قوم کو دلفریب نعروں سے بہلایا گیا، 22 کروڑ عوام کو نوکریوں اور گھروں کے لالی پوپ بھی دیئے گئے۔

وزیراعلیٰ پنجاب نے کہا کہ قوم جھوٹ اور فراڈ کی بنیاد پر بننے والے نئے پاکستان سے نجات پر اللہ تعالٰی کا شکر ادا کرتی ہے، ریاست مدینہ کے جھوٹے دعویداروں کو قوم کبھی معاف نہیں کرے گی۔ عمران نیازی اور حواریوں کو پاکستان سے کئے گئے سنگین کھلواڑ کا حساب دینا ہوگا۔